Өткән һәптидә Қ.Ғоҗамияров намидики җумһурийәтлик дөләт академиялик Уйғур музыкилиқ комедия театрида «Бекәт» намлиқ йеңи әсәрниң премьериси болуп өтти. Талайларниң яшлиқ дәврини әслитидиған мәзкүр пьеса Т.Жүргенов намидики Қазақ Миллий сәнъәт академиясиниң магистри, кәлгүси драматург Илһамҗан Лохмановниң қәлимигә мәнсүп.
Муәллип мәзкүр драмини вуҗутқа кәлтүрүштә өткән әсирниң 80- жиллиридики муһәббәт мавзусиға мураҗиәт қилған. Спектакльниң баш қәһримани Азат Қасимов исимлиқ язғучиниң бешидин өткүзгән дәсләпки муһәббәт һекайиси униң «Шу бир бекәт» намлиқ әсәридә муҗәссәмләнгән. Қоюлумму униң әйни вақиәни өзи баянлап бериши билән давамлишиду. Демәк, пьесиниңму «Бекәт» дәп атилиши бекар әмәс. Әшу муһәббәт һекайиси башланған бекәт – яшлиқ дәвирниң иллиқ хатирилири сақланған макан. Йәни автобус бекити вақит рәмзи болуп, Азатниң тунҗа муһәббитиниң һәм шундақла униң өз һаятида баштин кәчүргән һәрхил еғир вақиәлириниң гувачи җайи сүпитидә көрситилиду.
Спектакль Азат (Варисҗан Абдуллаев) билән униң тунҗа муһәббити Гөзәл (Дилназ Қавдунова) исимлиқ қизниң автобус бекитидә тәсадипи учришип қелишидин башлиниду. Шәһәрдә туғулуп өскән қиз билән йезидин чоң шәһәргә әндила қәдәм басқан яш жигитниң бир-биригә болған пак муһәббити билән һис-туйғулири театр сәнъитиниң һәрхил элементлири арқилиқ әкс етиду. Мәктәпни әндила пүтирип, һаят қойниға атланған биринчи курс студентлириниң бу һиссиятлириға Гөзәлниң акиси (Қудрәт Йүсүпов) қарши болди. Чүнки у сиңлисини аллиқачан өзиниң Қасим (Ялқун Ярмуһәммәтов) исимлиқ ағинисигә турмушқа беришни көзләп қойған еди. Азатниң бу қийин синақлардин өтүш җәриянида қешида һәмдәм болған Қәһриман (Тайир Тохтибақиев) исимлиқ йеқин ағинисиниң обризини алаһидә тәкитләш һаҗәт. Сәвәви, бу қәһриман лирикилиқ мелодраминиң ярқин обризи сүпитидә өзиниң һәзил-чақчақлири билән қоюлумға башқичә нәп берип, тамашибин кәйпиятини хуш қилалиди. Баш қәһриман Азат муһәббәт йолида күришишкә тәйяр болсиму, Гөзәл ата-аниси билән акисиға қарши туралмиди. Шундақ қилип, у Азатқа иккисиниң биллә болалмайдиғинини вә ялғандин уни яхши көрмәйдиғинини ейтип, мәңгүгә хошлишип, шәһәрдин көчүп кетиду.
... Ариға талай жиллар селип, Азат Қасимов (Қазақстанниң хизмәт көрсәткән әрбаби Ғәйрәт Тохтибақиев) «Шу бир бекәт» намлиқ китавиниң тонуштуруш мәрасимидин чиқип, андин ушбу һекайә башланған кона бекәттә биринчи муһәббити Гөзәлни (Алийәм Ибдиминова) учритип қалиду. Бу пәйт һәрбир тамашибинға һәрхил ой селип, үмүт пәйда қилған болушиму сөзсиз. Амма яшанған Гөзәл Азатқа ата-анисиниң уни мәҗбурлап акисиниң ағинисигә турмушқа бәргинини вә һаятиниң шу дәвирлиридә қанчилиқ азап чәккинини ейтиду...
Биз тамашибин сүпитидә муһәббәт мавзусиға беғишланған қандақла кино, фильм яки спектакль көрмәйли, уларниң тохсән пайизиниң мувәппәқийәтлик аяқлишишиға гувачи болимиз. Амма театр репертуаридин орун алған мәзкүр әсәр өткәнни өзгәртиш мүмкин әмәслигини, лекин уни қобул қилиш арқилиқ роһий әркинликкә еришиш имканийитиниң барлиғини көрсәтти.
Шу күни тамашибинни тәврәткән драминиң сәһниләштүрүлүшигә күч чиқарған режиссер Бәхитҗан Авдунов, рәссам Рустәм Мусаев, кийим-кечәк бойичә рәссам Ақмарал Мусаева, композитор Кәрим Ғазиев, балетмейстер Сәйпидин Мамут вә башқиму өз төһписини қошқан театр хадимлириниң әҗрини тәкитләш лазим.
Зульфира МАИСМЕЛИЕВА,
«Uiğur avazi»
https://uyguravazi.kazgazeta.kz/news/53855
Муәллип мәзкүр драмини вуҗутқа кәлтүрүштә өткән әсирниң 80- жиллиридики муһәббәт мавзусиға мураҗиәт қилған. Спектакльниң баш қәһримани Азат Қасимов исимлиқ язғучиниң бешидин өткүзгән дәсләпки муһәббәт һекайиси униң «Шу бир бекәт» намлиқ әсәридә муҗәссәмләнгән. Қоюлумму униң әйни вақиәни өзи баянлап бериши билән давамлишиду. Демәк, пьесиниңму «Бекәт» дәп атилиши бекар әмәс. Әшу муһәббәт һекайиси башланған бекәт – яшлиқ дәвирниң иллиқ хатирилири сақланған макан. Йәни автобус бекити вақит рәмзи болуп, Азатниң тунҗа муһәббитиниң һәм шундақла униң өз һаятида баштин кәчүргән һәрхил еғир вақиәлириниң гувачи җайи сүпитидә көрситилиду.
Спектакль Азат (Варисҗан Абдуллаев) билән униң тунҗа муһәббити Гөзәл (Дилназ Қавдунова) исимлиқ қизниң автобус бекитидә тәсадипи учришип қелишидин башлиниду. Шәһәрдә туғулуп өскән қиз билән йезидин чоң шәһәргә әндила қәдәм басқан яш жигитниң бир-биригә болған пак муһәббити билән һис-туйғулири театр сәнъитиниң һәрхил элементлири арқилиқ әкс етиду. Мәктәпни әндила пүтирип, һаят қойниға атланған биринчи курс студентлириниң бу һиссиятлириға Гөзәлниң акиси (Қудрәт Йүсүпов) қарши болди. Чүнки у сиңлисини аллиқачан өзиниң Қасим (Ялқун Ярмуһәммәтов) исимлиқ ағинисигә турмушқа беришни көзләп қойған еди. Азатниң бу қийин синақлардин өтүш җәриянида қешида һәмдәм болған Қәһриман (Тайир Тохтибақиев) исимлиқ йеқин ағинисиниң обризини алаһидә тәкитләш һаҗәт. Сәвәви, бу қәһриман лирикилиқ мелодраминиң ярқин обризи сүпитидә өзиниң һәзил-чақчақлири билән қоюлумға башқичә нәп берип, тамашибин кәйпиятини хуш қилалиди. Баш қәһриман Азат муһәббәт йолида күришишкә тәйяр болсиму, Гөзәл ата-аниси билән акисиға қарши туралмиди. Шундақ қилип, у Азатқа иккисиниң биллә болалмайдиғинини вә ялғандин уни яхши көрмәйдиғинини ейтип, мәңгүгә хошлишип, шәһәрдин көчүп кетиду.
... Ариға талай жиллар селип, Азат Қасимов (Қазақстанниң хизмәт көрсәткән әрбаби Ғәйрәт Тохтибақиев) «Шу бир бекәт» намлиқ китавиниң тонуштуруш мәрасимидин чиқип, андин ушбу һекайә башланған кона бекәттә биринчи муһәббити Гөзәлни (Алийәм Ибдиминова) учритип қалиду. Бу пәйт һәрбир тамашибинға һәрхил ой селип, үмүт пәйда қилған болушиму сөзсиз. Амма яшанған Гөзәл Азатқа ата-анисиниң уни мәҗбурлап акисиниң ағинисигә турмушқа бәргинини вә һаятиниң шу дәвирлиридә қанчилиқ азап чәккинини ейтиду...
Биз тамашибин сүпитидә муһәббәт мавзусиға беғишланған қандақла кино, фильм яки спектакль көрмәйли, уларниң тохсән пайизиниң мувәппәқийәтлик аяқлишишиға гувачи болимиз. Амма театр репертуаридин орун алған мәзкүр әсәр өткәнни өзгәртиш мүмкин әмәслигини, лекин уни қобул қилиш арқилиқ роһий әркинликкә еришиш имканийитиниң барлиғини көрсәтти.
Шу күни тамашибинни тәврәткән драминиң сәһниләштүрүлүшигә күч чиқарған режиссер Бәхитҗан Авдунов, рәссам Рустәм Мусаев, кийим-кечәк бойичә рәссам Ақмарал Мусаева, композитор Кәрим Ғазиев, балетмейстер Сәйпидин Мамут вә башқиму өз төһписини қошқан театр хадимлириниң әҗрини тәкитләш лазим.
Зульфира МАИСМЕЛИЕВА,
«Uiğur avazi»
https://uyguravazi.kazgazeta.kz/news/53855