Өткән шәнбә күни Қуддус Ғоҗамияров намидики җумһурийәтлик дөләт академиялик Уйғур музыкилиқ комедия театрида көрнәклик рус язғучиси вә драматурги Николай Гогольниң қәлимигә мәнсүп «Ревизор» комедиясиниң премьериси болуп өтти. Мәзмуни җәһәттин һеликәмгичә актуаллиғини йоқатмиған мәзкүр әсәрни Савутҗан Һасанов тәрҗимә қилған.
Гоголь бу әсәридә парихор, хәлиқ мүлкигә вә дөләт ғәзнисигә қол салидиған, айрим адәмләргә хошамәт қилип, уларниң шәхсий тәләплирини орунлайдиған шәхсләрниң портретлирини йорутқан. Шу дәвир проблемиси тәсвирләнгән өткүр вә аччиқ күлкә асасида қурулған бу әсәрни бүгүнки күн билән селиштуруп қарисақ, бизниң җәмийитимиздики бирмунчә мәсилиләр биләнму маслишидекән. Сәвәви, һазирқи вақитта елимиздә коррупцияниң ховупи йоқ, дәп ейталмаймиз. Җәмийитимиздики шу проблемиға диққәт ағдуруш, әһвални тамашибинға заманивий нусхида көрситиш – әсәрниң асасий мәхсити.
Әнди әсәр мәзмуниға тохтилайли. «Ревизор кәлди» дегән бу шум хәвәр шәһәр һакими (Ғәйрәт Тохтибақиев) вә униң әмәлдарлирини чоңқур тәшвишкә салиду. Сәвәви, уларниң һечқайсиниң хизмәтлиридә адил әмәслигини пәқәт өзлиридин башқа һечким билмәйду. Бу мунапиқлар шәһәргә кәлгән яш блогерни (Муһидин Варисов) ревизор дәп ойлап, униңға чоң һөрмәт билдүрүп, нурғун миқдарда пара берип, бәс-бәстә хошамәт қилишқа башлайду. Чүнки улар дөләт мүлкигә қилған хиянәтлириниң, уюшқан җинайәтчиликниң ашкарә болушидин бәк қорқиду. Хулләс, буниңдин пайдиланған блогер, һәддидин ешип, уларни алдап, нурғун миқдарда пул жиғивалиду. Уни аз десиңиз, «қайтип кәлгәндә һакимниң қизиға (Дилинур Ваҗитова) өйлинимән» дегән қуруқ вәдини берип, шәһәрдин қечип кетиду.
Шундақла спектакльдики һакимниң рәпиқиси ролини иҗра қилған Алийәм Ибдиминова, блогерниң ярдәмчиси Һосман ролидики Сухраб Низамдунов вә һаким әмәлдарлириниң қияпитини айдиңлаштурған Рисам Мамутов, Дилшат Аманбаев, Үмүт Қасимов, Ризат Мамут, Қудрәт Йүсүпов, Тайир Тохтибақиев қатарлиқ театр актерлириниң тамашибин һозуридики вәзипилирини жуқури маһарәт билән орунлиғанлиғини тәкитләш лазим.
Мәзкүр комедияни сәһни ләштүргән режиссер Дилмурат Җанбақиевниң әсәр қәһриманлириниң өзлиригила тән алаһидә күлкилик образлирини шәкилләндүрүштә көп әмгәк қилғанлиғи ениқ. Буниңдин сирт сәһниниң безилиши җәһәттин сәһниләштүргүчи рәссам Рустәм Мусаевниң һәм актерларниң образлиқ кийимлири җәһәттин кийим-кечәкләр бойичә рәссам Ақмарал Мусаеваниң әмгигини вә талантини алаһидә тилға елишқа әрзийду. Балетмейстер Һәҗәрбүви Халимоваму «Рухсарә» уссул ансамблиниң уссулчилири билән бирликтә спектакльниң мәзмун-маһийитини ечип көрситишкә тиришқан. Йәкүнләп ейтсақ, комедия қәһриманлири сәһнидики һис-туйғулири билән тамашибинни қайил қилалиди.
Зульфира МАИСМЕЛИЕВА,
«Туран» университетиниң студенти
https://uyguravazi.kazgazeta.kz/news/53061
Гоголь бу әсәридә парихор, хәлиқ мүлкигә вә дөләт ғәзнисигә қол салидиған, айрим адәмләргә хошамәт қилип, уларниң шәхсий тәләплирини орунлайдиған шәхсләрниң портретлирини йорутқан. Шу дәвир проблемиси тәсвирләнгән өткүр вә аччиқ күлкә асасида қурулған бу әсәрни бүгүнки күн билән селиштуруп қарисақ, бизниң җәмийитимиздики бирмунчә мәсилиләр биләнму маслишидекән. Сәвәви, һазирқи вақитта елимиздә коррупцияниң ховупи йоқ, дәп ейталмаймиз. Җәмийитимиздики шу проблемиға диққәт ағдуруш, әһвални тамашибинға заманивий нусхида көрситиш – әсәрниң асасий мәхсити.
Әнди әсәр мәзмуниға тохтилайли. «Ревизор кәлди» дегән бу шум хәвәр шәһәр һакими (Ғәйрәт Тохтибақиев) вә униң әмәлдарлирини чоңқур тәшвишкә салиду. Сәвәви, уларниң һечқайсиниң хизмәтлиридә адил әмәслигини пәқәт өзлиридин башқа һечким билмәйду. Бу мунапиқлар шәһәргә кәлгән яш блогерни (Муһидин Варисов) ревизор дәп ойлап, униңға чоң һөрмәт билдүрүп, нурғун миқдарда пара берип, бәс-бәстә хошамәт қилишқа башлайду. Чүнки улар дөләт мүлкигә қилған хиянәтлириниң, уюшқан җинайәтчиликниң ашкарә болушидин бәк қорқиду. Хулләс, буниңдин пайдиланған блогер, һәддидин ешип, уларни алдап, нурғун миқдарда пул жиғивалиду. Уни аз десиңиз, «қайтип кәлгәндә һакимниң қизиға (Дилинур Ваҗитова) өйлинимән» дегән қуруқ вәдини берип, шәһәрдин қечип кетиду.
Шундақла спектакльдики һакимниң рәпиқиси ролини иҗра қилған Алийәм Ибдиминова, блогерниң ярдәмчиси Һосман ролидики Сухраб Низамдунов вә һаким әмәлдарлириниң қияпитини айдиңлаштурған Рисам Мамутов, Дилшат Аманбаев, Үмүт Қасимов, Ризат Мамут, Қудрәт Йүсүпов, Тайир Тохтибақиев қатарлиқ театр актерлириниң тамашибин һозуридики вәзипилирини жуқури маһарәт билән орунлиғанлиғини тәкитләш лазим.
Мәзкүр комедияни сәһни ләштүргән режиссер Дилмурат Җанбақиевниң әсәр қәһриманлириниң өзлиригила тән алаһидә күлкилик образлирини шәкилләндүрүштә көп әмгәк қилғанлиғи ениқ. Буниңдин сирт сәһниниң безилиши җәһәттин сәһниләштүргүчи рәссам Рустәм Мусаевниң һәм актерларниң образлиқ кийимлири җәһәттин кийим-кечәкләр бойичә рәссам Ақмарал Мусаеваниң әмгигини вә талантини алаһидә тилға елишқа әрзийду. Балетмейстер Һәҗәрбүви Халимоваму «Рухсарә» уссул ансамблиниң уссулчилири билән бирликтә спектакльниң мәзмун-маһийитини ечип көрситишкә тиришқан. Йәкүнләп ейтсақ, комедия қәһриманлири сәһнидики һис-туйғулири билән тамашибинни қайил қилалиди.
Зульфира МАИСМЕЛИЕВА,
«Туран» университетиниң студенти
https://uyguravazi.kazgazeta.kz/news/53061