Қуддус Ғоҗамияров намидики Җумһурийәтлик дөләт академиялик Уйғур музыкилиқ комедия театриниң 90 жиллиқ тәвәллудиға беғишланған мәйрәмлик чоң концерт болуп өтти.

Униңда тәбрик сөзгә чиққан Қазақстан хәлқи Ассамблеяси Рәисиниң орунбасари, Қазақстан Җумһурийити Президенти Мәмурийитиниң Қазақстан хәлқи Ассамблеяси кативатиниң рәһбири Әзилханов Марат, елимиз Президенти Қасим-Жомарт Тоқаевниң Уйғур театри коллективиға йоллиған Тәбригини оқуп бәрди. Шундақла Қазақстан хәлқи Ассамблеясиниң «Алғыс» медали вә Пәхрий ярлиғи билән бир нәччә сәнъәткарни мукапатлиди. Кәлгүси тәбрик сөзини алған ҚҖ Мәдәнийәт вә әхбарат вице-министри Алиқулов Ербол ҚҖ Премьер-Министри Олжас Бектеновниң йоллиған Тәбригини яңратти. Новәттики тәбрик сөзгә чиққан Қазақстанның Еңбек Ері, СССР хәлиқ артисти, М. Әуезов намидики Қазақ Миллий драма театриниң бәдиий рәһбири, Қазақстан театрлар ассоциациясиниң президенти Асанәли Ашимов, Қазақстан Җумһурийити Парламенти Сенатиниң депутати Закир Кузиев, Қазақстанниң хәлиқ артисти Роза Рымбаева, Алмута вилайитиниң һакими намидин вилайәтлик мәдәнийәт вә архив башқармисиниң рәһбири Алиев Данияр, Алмута шәһири һакимчилиғи намидин шәһәрлик Мәдәнийәт башқармиси рәһбириниң орунбасари Арман Халбековлар Уйғур театриниң чоң мәрикиси билән қизғин тәбрикләп, өзлириниң иллиқ ләвзилирини билдүрди.

Кәч ахирида, ҚҖ Мәдәнийәт вә әхбарат министри Аида Ғалим қизи Балаева намидин театримиз тәвәллуди шәрипигә гүлдәстә соға қилинди.