Йеқинда Қ.Ғоҗамияров намидики җумһурийәтлик дөләт академиялик Уйғур музыкилиқ комедия театри тамашибинларға Қазақстан Җумһурийитиниң Конституцияси күнигә беғишланған мәйрәмлик концерт тәғдим қилди. Униңға театрниң драма артистлири, «Нава» фольклор, «Сада» эстрада вә «Рухсарә» уссул ансамбльлири қатнашти.
Сәнъәткарлар тамашибинларға миллий саз-нәғмилиридин чачқа чечип, елимиздики милләтләрара достлуқни намайиш қилди. Улар қериндаш хәлиқләр нахшилири билән уссуллириниму иҗра қилип, көпчиликниң қизғин алқишиға сазавәр болди. Миллий сәнъитимизни қәдирләйдиған тамашибин, өз новитидә, Қазақстан Җумһурийитиниң хизмәт көрсәткән әрбаби Нуралим Варисов, Луиза Розахунова, Дилбәр Бурһанова, Саһиб Абдумайин, Сәйярә Сетәкова охшаш артистларниң иҗрасидики нахшиларни чоңқур һиссиятлар илкидә тиңшиди. Шундақла Сухраб Низамдунов, Дилинур Ваҗитова, Дилназ Қавдунова, Варисҗан Абдуллаев кәби келәчигидин үмүт күткүзидиған яш талант егилириму өзлиригә жүкләнгән вәзипиниң һөддисидин чиқишқа тиришқан. Бу күни сәнъитимизниң алтун бөшүги болған театримизда миллий нахша-сазлиримиздин сирт, қериндаш қазақ хәлқиниң «Балбырауын» күйи билән әл ичидә аммибаплиққа егә «Сағындым Алматымды» кәби нахшилар яңриди. Мәйрәмлик кәйпият һәдийә қилған концертниң уютурулушида Әдәбият бөлүминиң рәһбири Гүлбаһар Насирова билән бирликтә «Нава» ансамблиниң рәһбири Ниязҗан Турсунов вә балетмейстер Һәҗәрбүви Халимова, сәһниләштүргүчи режиссер Әзиз Искәндәровниң әмгигини тәкитлигән орунлуқ.
Зульфира МАИСМЕЛИЕВА,
«Uiğur avazi»
https://uyguravazi.kazgazeta.kz/news/53550
Сәнъәткарлар тамашибинларға миллий саз-нәғмилиридин чачқа чечип, елимиздики милләтләрара достлуқни намайиш қилди. Улар қериндаш хәлиқләр нахшилири билән уссуллириниму иҗра қилип, көпчиликниң қизғин алқишиға сазавәр болди. Миллий сәнъитимизни қәдирләйдиған тамашибин, өз новитидә, Қазақстан Җумһурийитиниң хизмәт көрсәткән әрбаби Нуралим Варисов, Луиза Розахунова, Дилбәр Бурһанова, Саһиб Абдумайин, Сәйярә Сетәкова охшаш артистларниң иҗрасидики нахшиларни чоңқур һиссиятлар илкидә тиңшиди. Шундақла Сухраб Низамдунов, Дилинур Ваҗитова, Дилназ Қавдунова, Варисҗан Абдуллаев кәби келәчигидин үмүт күткүзидиған яш талант егилириму өзлиригә жүкләнгән вәзипиниң һөддисидин чиқишқа тиришқан. Бу күни сәнъитимизниң алтун бөшүги болған театримизда миллий нахша-сазлиримиздин сирт, қериндаш қазақ хәлқиниң «Балбырауын» күйи билән әл ичидә аммибаплиққа егә «Сағындым Алматымды» кәби нахшилар яңриди. Мәйрәмлик кәйпият һәдийә қилған концертниң уютурулушида Әдәбият бөлүминиң рәһбири Гүлбаһар Насирова билән бирликтә «Нава» ансамблиниң рәһбири Ниязҗан Турсунов вә балетмейстер Һәҗәрбүви Халимова, сәһниләштүргүчи режиссер Әзиз Искәндәровниң әмгигини тәкитлигән орунлуқ.
Зульфира МАИСМЕЛИЕВА,
«Uiğur avazi»
https://uyguravazi.kazgazeta.kz/news/53550