Қ.Ғожамияров намидики жумһурийәтлик дөләт академиялик уйғур музыкилиқ комедия театриниң Балет репетитори болуп яш һәм маһир уссулчи Сәйпидин Мамут тайинланди. Сәйпидин Мамут уссулчи һәм Т.Жургенов намидики Қазақ Дөләт Сәньәт академиясиниң «Хореография режиссери» бөлүмини түгәткән яш мутәхәссис. У Уйғур театри репертуаридики барлиқ музыкилиқ сәһнә әсәрлиридә уссулчи һәм балетмейстер сүпитидә қизғин паалийәт елип бериватиду. Жүмлидин у Г.Насированиң «Мениң билән муңдашқин», К.Чапекниң «Мәшһүр Гален», Г.Х.Андерсенниң «Рәнагүл» (Дюймовочка) қатарлиқ сәһнә әсәрлириниң балетмейстери. спектальлирирниң балетмейстери болуп һесаплиниду. С.Мамут Түркийә вә Барселонда өткән конкурсларниң Гран-При мукапитиниң лауреати. Москвада өткүзүлгән «Лучшие режиссеры» конкурсида үчинчи орунға сазавәр болди. Шундақла у йеқинда «Қазақстан театрлири-2022» мониторингиниң йәкүни бойичә «Драма спектаклінің жыл хореографы» номинациясини йеңивалди.
@saipidin_mamut
@saipidin_mamut