Бүгүн Қуддус Ғоҗамияров намидики Җумһурийәтлик дөләт академиялик уйғур музыкилиқ комедия театрида кәсип таллаш бойичә 15 яштин 20 яшқичә болған яшлиримиз үчүн очуқ ишик күни болди. Бу күни театримизға кәлгән яшлиримиз үчүн маһарәт дәрислири өткүзүлди. Шундақла баш қошушқа кәлгән Қазақстанниң хизмәт көрсәткән артисти, Т.Жүргенов намидики Қазақ миллий сәнъәт академиясиниң пешқәдәм устази, сәнъәтшунас профессори, «Парасат» ордениниң саһиби Раһиләм Машурова билән Т. Жүргенов намидики Қазақ миллий сәнъәт академиясиниң «Театр өнері» факультетиниң декани, PhD доктори Мадина Кулсейитова кәлгүси үмүткарларға сәнъәт академиясидә билим елишниң алаһидликлири билән тәләплири һәққидә тәпсилий сөзләп бәрди. Учришишқа кәлгән оқуғучилар өзлирини қизиқтурдиған соаллириға жавап алғач өз новитидә һүнәрлирниму намайиш қилди.
