«ЙЕҢИЧӘ ЯҢРИҒАН АҺАҢЛАР...» намлиқ концерт болуп өтти.

Қуддус Ғожамияров намидики Жумһурийәтлик дөләт академиялик Уйғур музыкилиқ комедия театриниң 90 жиллиқ шанлиқ тойи билән биллә, Қурманғази намидики Қазақ миллий консерваториясиниң 80 жиллиқ нишанлаватқан қош той даирисидә

мәшһур композитор, СССР вә Қазақ ССРниң хәлиқ артисти, СССР вә ҚАЗАҚ ССР Дөләт мукапатлириниң лауреати Қуддус Ғоҗамияровниң әсәрлири бойичә «ЙЕҢИЧӘ ЯҢРИҒАН АҺАҢЛАР...» намлиқ концерт болуп өтти.

Концертта драма актерлиридин тәркип тапқан хор, шундақла «Нава» ансамбли вә Қурманғазы намидики Қазақ миллий консерваториясиниң студентлиридин тәшкилләнгән симфониялик оркестрниң жор болушида, Қуддус Ғоҗамияровниң «Дутар һәққидә поэма» әсәрини солистлар - Разийәм Һәмраева, Саһиб Абдумайин ижра қилди. Қериндаш хәлиқләрниң достлуғини өзиниң иҗадида һәр дайим көкләргә көтәргән Қуддус Ғоҗамияровниң әсәригә «Рухсарә» уссул ансамбли алаһидә рәң берип, әвришим пластикиси арқилиқ өз маһирлиғини намайиш қилди. Шундақла Қазақстанниң хизмәт көрсәткән әрбаби, драма актери Пәрһат Давутов мәшһүр композиторниң «Ризвангүл» нахшисини бабиға йәткүзүп иҗра қилди.

Кәч ахирида, сәһнигә чиққан театр рәһбири, Қазақстанниң хизмәт көрсәткән әрбаби Дилмурат Баһаров билән Қурманғази намидики Қазақ миллий консерваториясиниң ректори Гаухар Тасбергенова бүгүнки әһмийити зор болған паалийәткә қәдәм тәшрип қилған меһманларға өзлириниң миннәтдарлиғини билдүрди.

Концертни тәйярлиғанлар:

Сценарий муәллипи - Гүлбаһар Насирова, «Қүрмет» ордениниң саһиби.

Сәһниләштүргән режиссер - Дилмурат Жамбақиев.

Дирижерлар – Алимҗан Тоқаев, Ялқунҗан Әзизов.

Хормейстер - Ғәзиз Искәндәров.

Баш балетпейстер - Һәҗәрбүви Хәлимова.

Рәссамлар - Гөзәл Мәмединова, Рустәм Мусаев.

Балетмейстер - Эльдар Абдуллаев.

Видеоинженер - Султан Мусаев.